![]() | |
Enghraifft o'r canlynol | gwaith llenyddol ![]() |
---|---|
Awdur | Charles Baudelaire ![]() |
Cyhoeddwr | Auguste Poulet-Malassis ![]() |
Gwlad | Ffrainc ![]() |
Iaith | Ffrangeg ![]() |
Dyddiad cyhoeddi | 25 Mehefin 1857 ![]() |
Dechrau/Sefydlu | 1840 ![]() |
Genre | blodeugerdd ![]() |
Lleoliad cyhoeddi | Alençon ![]() |
Prif bwnc | Symbolaeth (celf) ![]() |
Yn cynnwys | Abel et Caïn, Au lecteur, Q16653632 ![]() |
Statws hawlfraint | parth cyhoeddus, parth cyhoeddus ![]() |
![]() |
Cyfrol ddylanwadol o gerddi Ffrangeg a gyhoeddwyd yn 1857 gan y bardd Charles Baudelaire (1821–1867) yw Les Fleurs du mal ("Blodau'r Fall"). Dyma gyfrol enwocaf Baudelaire ac un o'r casgliadau mwyaf adnabyddus o gerddi yn y byd.
Cyfansoddodd Baudelaire y cerddi a gyhoeddwyd yn Les Fleurs du mal dros gyfnod o rai blynyddoedd ac mae ambell gerdd - fel y rhai yn yr adran Tableaux parisiens - yn ychwanegiadau a geir yn yr ail argraffiad.
Thema'r casgliad yw'r gwrthdaro rhwng spleen (sef 'drygioni') ac idéal (sy'n cynrychioli 'daioni') sy'n rhwygo meddwl a chalon pobl. Mae Baudelaire yn rhoi heibio'r hen gonfensiynau llenyddol ac artistig am brydferthwch a harddwch ac yn ceisio tynnu hanfod gwir brydferthwch o'r gwrthrychau mwyaf hyll. Disgrifia'r cerddi bywyd strydoedd Paris ganol y 19g neu ddrygioni ei hun, gan roi iddo ryw harddwch afreal eithriadol sy bron iawn a chyrraedd lefel cyfriniol. Yn gorwedd y tu ôl i'r synfyfyriau hyn yw'r synnwyr o golledigaeth sy'n llenwi meddwl y bardd. Ond er i'r cerddi suddo i ddyfnderoedd anobaith a drygioni mae llais y bardd yn mynnu gwaredigaeth erbyn y diwedd gan na all y Fall orchfygu Daioni yn y pen draw.
Enynnodd y llyfr ymateb ffyrnig gan rai, yn bennaf oherwydd ei gyfeiriadau erotig (cymharol ddiniwed ac anuniongyrchol yn ôl safonau heddiw) er nad yw'n waith erotig fel y cyfryw. Cafodd ei sensrio a bu rhaid i Baudelaire a'r cyhoeddwyr wynebu achos llys am gyhoeddi llyfr "anfoesol".